فرانس وچ ہیٹ ویو جاری، دریاواں تے نہراں وچ نہاون دے دوران 40 بندے ڈوب کے ہلاک ہو گئے۔
فرانس وچ ہیٹ ویو جاری اے جیہدے پاروں پچھلے جمعرات توں ہن تیکر دریاواں تے نہراں وچ نہاون دے دوران ڈوبن دے واقعیاں وچ 40 بندے ہلاک ہو چکے نیں_
فرانس دے کئی وڈے شہراں وچ گرمی (درجہ حرارت) ریکارڈ پدھر تیکر پہنچ گئی اے تے یورپ دے وکھو وکھ ملکاں وچ گرمی دی لہر اپنے عروج تے اے۔
یورپ دے بوہتے علاقے سخت گرمی دی لپیٹ وچ نیں، فرانس وچ 18 بندے ہلاک ہو گئے۔
فرانس دی وزیر برائے کھیل تے امورِ نوجوانان مارینا فراری نے فرانسیسی ریڈیو نال گل بات کردیاں ہویاں خبردار کیتا کہ ’ہیٹ ویو دے دوران غیر محفوظ تھاواں تے تاری لاون (تیراکی) نوں معمولی نہ سمجھیا جائے‘۔
فرانس دے نال نال اسپین تے اٹلی وی ایس شدید گرمی دی لہر توں سب توں زیادہ متاثر ہون والے ملکاں وچ شامل نیں۔
فرانس دے محکمہ موسمیات دے مطابق پیر دے دیہاڑے فرانس وچ جون دا سب توں گرم دن ریکارڈ کیتا گیا۔
فرانس وچ گرمی دی شدید لہر پاروں پیرس دے اک اسٹور وچ 30 منٹاں وچ سارے پکھے (پنکھے) وِک گئے۔
فرانس دے وزیرِ کھیل نے آکھیا کہ بہت زیادہ لوک گرمی توں بچن لئی دریاواں تے نہراں وچ نہا رہے نیں پر اوہ ایس نال جڑے خطریاں نوں سنجیدگی نال نہیں لے رہے۔
دوجے پاسے جرمنی وچ وی کئی بندے ڈوب کے ہلاک ہو چکے نیں تے اوتھے وی ہفتے دے آخر تیکر درجہ حرارت 40 ڈگری سینٹی گریڈ تیکر پہنچن دی امید اے۔
جرمن لائف سیونگ ایسوسی ایشن دے مطابق جمعے توں اتوار دے وچکار تاری لاون دے دوران گھٹ توں گھٹ 6 ہلاکتاں رپورٹ ہوئیاں۔
