دنیا دے سب توں امیر بندے ایلون مسک دا اک ہفتے وچ 350 ارب ڈالر دا نقصان!
(24 جون 2026): دنیا دے سب توں امیر بندے ایلون مسک نوں وڈا کاروباری جھٹکا لگا اے تے صرف اک ہفتے وچ 350 ارب ڈالر دا نقصان جھلنا پیا اے۔
غیر ملکی میڈیا دے مطابق ایلون مسک دی کمپنی اسپیس ایکس (SpaceX) دے شیئرز وچ پچھلے ہفتے بڑی گراوٹ ساہمنے آئی تے شیئرز دی قیمت وچ 30 فیصد کمی ہو گئی۔
صرف اک ہفتے وچ 350 ارب ڈالر دا نقصان ہوون توں بعد ہن ایلون مسک دی کل دولت 1.45 ٹریلین ڈالرز توں گھٹ ہو کے صرف 1.1 ٹریلین ڈالرز رہ گئی اے۔
رپورٹ دے مطابق ایس گراوٹ دا اثر صرف اسپیس ایکس تیکر محدود نہیں رہیا بلکہ کئی دوجیاں عالمی ٹیک مارکیٹاں وی ایس دباؤ دا شکار ہوئیاں نیں۔
دسیا جا رہا اے کہ اے آئی (AI) منصوبیاں دی نویں فنڈنگ تے بڑھدے ہوئے خرچیاں دے ڈر توں سرمایہ کاراں نے اپنا پیسہ کڈھ لیا، جیہدے پاروں مارکیٹ دا موڈ بدل گیا اے۔
