سپریم کورٹ دا عمران خان نو نجی اسپتال منتقل کرن دا حکم

اسلام آباد: سپریم کورٹ نے بانی پی ٹی آئی عمران خان نوں شفا اسپتال منتقل کرن دا حکم دے دتا۔

سپریم کورٹ نے بانی پی ٹی آئی نوں اگلی سماعت تیکر شفا اسپتال منتقل کرن دا حکم دیندے ہوئے آکھیا کہ عمران خان لئی میڈیکل بورڈ تشکیل دتا جائے، بانی پی ٹی آئی نوں سخت سکیورٹی وچ اسپتال منتقل کیتا جائے، اسپتال دے باہر امن و امان دی صورتحال متاثر نہیں ہونی چاہیدی۔

بانی پی ٹی آئی نال ملاقات تے علاج نال متعلق مقدمیاں دی سماعت دے دوران سپریم کورٹ دے جسٹس شاہد وحید نے استفسار کیتا کہ بانی پی ٹی آئی دا میڈیکل ریکارڈ دین وچ کیہ مسئلہ اے؟ جو مواد دتا گیا اے اوہ صرف میڈیکل رپورٹ دی سمری اے۔

جسٹس شاہد وحید نے بانی پی ٹی آئی دا تمام میڈیکل ریکارڈ آئندہ سماعت توں پہلاں جمع کران دی ہدایت کردے ہوئے ریمارکس دتے کہ ریکارڈ عدالت وچ آئے گا تے خفیہ نہیں رہے گا۔