امریکہ وچ مالیاتی بحران دا خطرہ، مجموعی عوامی قرض پہلی وار 40 ٹریلین ڈالر توں تجاوز کر گیا

واشنگٹن: امریکہ دا مجموعی عوامی قرض پہلی وار 40 ٹریلین ڈالر توں تجاوز کر گیا اے۔

امریکی محکمہ خزانہ دے مطابق امریکہ دا مجموعی عوامی قرض 2017 توں لے کے ہݨ تک دگنا ہو چکیا اے۔

امریکہ محکمہ خزانہ دا کہنا اے کہ صدر ٹرمپ دی دو صدارتی مدتاں دے دوران قرض وچ 11.6 ٹریلین ڈالر دا اضافہ ہویا، جدوں کہ سابق صدر جو بائیڈن دی چار سالہ مدتِ صدارت دے دوران قرض وچ 8.4 ٹریلین ڈالر دا اضافہ ہویا۔

محکمہ خزانہ دے مطابق ملک وچ مالیاتی بحران دا خطرہ ودھ رہیا اے، قرض تے سود دی ادائیگی، سماجی بہبود دے اخراجات تے قرض تے سود دی ادائیگیاں ودھ گئیاں نیں.

امریکہ محکمہ خزانہ دا کہنا اے کہ ٹیکساں وچ کمی دی وجہ نال حکومتی آمدنی وچ کمی واقع ہوئی اے، جنوری 2017 وچ جدوں صدر ٹرمپ نے پہلی وار حلف چکیا سی اوس ویلے قرض 19.95 ٹریلین ڈالر سی۔