ٹرمپ دی حماقتوں نے دنیا نوں ایٹمی ہتھیاراں دے حصول دا خواہاں بنا دتا اے: محسن رضائی

ایران دی سپریم نیشنل سکیورٹی کونسل دے سیکرٹری محسن رضائی نے آکھیا اے کہ ایران اُتے حملے دے نال ٹرمپ دیاں حماقتوں نے دنیا بھر دے دیساں وچ ایٹمی ہتھیار حاصل کرن دی خواہش نوں ودھا دتا اے۔

ایرانی خبررساں ایجنسی دے مطابق محسن نے آکھیا کہ ایس خواہش وچ خاص طور تے جدوں اضافہ ہویا جدوں دیساں نے ویکھیا کہ انٹرنیشنل اٹامک انرجی ایجنسی تے جوہری عدم پھیلاؤ دے معاہدے (این پی ٹی) دی رکنیت امریکہ ولوں حملیاں نوں روکن وچ غیر مؤثر رہی اے۔

انہاں نے ہور آکھیا کہ ٹرمپ نے جوہری سلامتی دی بجائے جوہری عدم تحفظ پیدا کیتا اے۔ ایران نے تمام بین الاقوامی حفاظتی اقدامات نوں قبول کیتا اے، انہاں دی مکمل تعمیل کیتی اے، ایران این پی ٹی دا رکن اے تے معائنے اُتے وی رضامند ہویا اے، ایران واحد دیس اے جو ایٹمی ضوابط دی پاسداری وچ دوجے تمام دیساں توں اگے اے۔