عالمی سطح اتے جنگاں تے غیر یقینی صورتحال دی وجہ توں دفاعی اخراجات وچ مسلسل گیارہویں سال وی اضافہ ریکارڈ کیتا گیا اے۔

عالمی سطح اتے جنگاں تے غیر یقینی صورتحال دی وجہ توں دفاعی اخراجات وچ مسلسل گیارہویں سال وی اضافہ دیکھا گیا اے، تے 2025 وچ عالمی فوجی اخراجات 2.9 فیصد ودھ کے 2 ہزار 887 ارب ڈالر ہو گئے نیں۔

اسٹاک ہوم انٹرنیشنل پیس ریسرچ انسٹیٹیوٹ دے مطابق 2025 وچ سب توں زیادہ دفاعی اخراجات کرن والے ممالک وچ امریکہ، چین تے روس شامل نیں جیدے اخراجات مجموعی طور اتے 1 ہزار 471 ارب ڈالر یا عالمی اخراجات دا 51 فیصد بندے نیں۔ امریکہ دے فوجی اخراجات وچ 7.5 فیصد کمی آئی لیکن فیر وی امریکہ 954 ارب ڈالر خرچ کرکے سرفہرست رہیا۔

عالمی فوجی اخراجات وچ اضافے دا سب توں بڑا سبب یورپ بنیا جتھے اخراجات وچ 14 فیصد اضافہ ہویا تے ایہہ 864 ارب ڈالر تک پہنچ گئے۔ بھارت نے اپنے فوجی اخراجات وچ 8.9 فیصد اضافہ کرکے 92 ارب ڈالر توں زیادہ خرچ کیتے، جدکہ پاکستان دے فوجی اخراجات 11 فیصد اضافے نال 11.9 ارب ڈالر اتے دیکھے گئے۔

رپورٹ دے مطابق اسرائیل دے دفاعی اخراجات 4.9 فیصد کم ہو کے 48.3 ارب ڈالر رہ گئے جدکہ ایران دے اخراجات مسلسل دوجے سال کم ہو کے 5.6 فیصد کمی دے نال 7.4 ارب ڈالر رہ گئے۔