پمز ہسپتال اسلام آباد نوں اتوار والے دن وی معمول مطابق کھلا رکھن دا فیصلہ کیتا گیا اے۔

اسلام آباد دے پمز ہسپتال نوں اتوار والے دن وی معمول مطابق کھلا رکھن دا فیصلہ کیتا گیا اے۔ پمز ہسپتال اسلام آباد نوں اتوار دے دن معمول مطابق کھلا رکھن دا نوٹیفکیشن جاری کر دتا گیا اے جیڑا ڈپٹی ایگزیکٹو ڈائریکٹر ڈاکٹر انیزہ جلیل دی منظوری نال جاری کیتا گیا۔ نوٹیفکیشن دے مطابق پمز ہسپتال اسلام آباد اتوار نوں مکمل طور تے فعال رہوے گا جدوں کہ پمز دی انتظامیہ تے اکاؤنٹس برانچ اتوار نوں معمول مطابق کم کرن گی۔ نوٹیفکیشن وچ سارے متعلقہ افسراں تے عملے نوں مقررہ ویلے دے دوران حاضری یقینی بنان دی ہدایت کیتی گئی اے۔ اس توں علاوہ بغیر اجازت غیر حاضری، غفلت یا حکم عدولی کرن اُتے سخت ڈسپلنری کارروائی دی تنبیہ وی کیتی گئی اے۔ واضح رہے کہ وفاقی دارالحکومت دا پمز ہسپتال ٻالاں دے شعبے دے آئی سی یو وچ اگ لگن تے نتیجے وچ 14 ٻالاں دی اموات دے واقعے توں بعدوں غیر فعال اے۔