یوکرینی صدر زیلنسکی نے اپنی فوج نوں روس اُتے روزانہ اک ہزار ڈرون حملے کرن دا حکم دےتا اے۔

یوکرین دے صدر زیلنسکی نے اپنی فوج نوں روس اُتے روزانہ اک ہزار ڈرون حملے کرن دا حکم دے تا اے۔
یوکرینی صدر زیلنسکی نے جمعے دی شام اپنے خطاب وچ آکھیا کہ یوکرینی فوج روس خلاف روزانہ گھٹ توں گھٹ اک ہزار ڈرون حملے کرے۔ ایہہ گنتی ہݨ دے حساب مطابق روزانہ تقریبن 300 ڈرون حملیاں توں تن گنا توں وی زیادہ اے۔
زیلنسکی نے فوج اُتے زور دتا کہ روس خلاف لمبی واٹ توں مار کرن آلے ڈرون حملیاں وچ وادھا کیتا جائے۔ اک صاف لکش مِتھیا گیا اے تے اسیں ایہہ کم پورا کراں گے۔
یوکرینی صدر نے ٹیلی گرام اُتے اک پوسٹ وچ امریکی انٹیلی جنس مکھی دے ماسکو دے دورے تے روسی حکام نال ملاقتاں متعلق ریپورٹس اُتے وی گل کیتی۔
اوہناں آکھیا کہ کیف نوں امریکی حکام ولوں ماسکو وچ ہوندے دناں وچ ہون والیاں ملاقتاں متعلق جانکاری مل گئی اے، پر اوہناں ہور ویروے نہیں دتے۔
روسی صدر دے محل کریملن نے وی پکا کیتا اے کہ امریکی انٹیلی جنس مکھی نے ماسکو وچ روسی انٹیلی جنس حکام نال ملاقات کیتی، پر روسی حکام مطابق روسی صدر نال کسی وی قسماں دی ملاقات نہیں ہوئی