14 لاشاں ویکھیاں تاں احساس ہویا کہ دیس محفوظ نہیں اے: مصدق ملک نے وی پمز واقعے اُتے سوال کھڑے کر تے نیں۔
وفاقی وزیر برائے موسمیاتی تبدیلی ڈاکٹر مصدق ملک نے وی پمز واقعے اُتے آواز چکدیاں آکھیا کہ ایس معاملے نوں فکس اپ کرنا پਏ گا، جدوں تیکر ایہہ معاملہ حل نہیں ہوندا تاں اگے گل نہیں ہووی گی۔
لاہور وچ اک تقریب توں خطاب کردیاں مصدق ملک دا آکھݨ سی پرسو جھدوں 14 لاشاں ویکھیاں تاں احساس ہویا کہ میں محفوظ نہیں واں، مینوں احساس ہویا کہ دیس محفوظ نہیں، ایہہ اک غیر محفوظ دیس اے، میں آپ ایس حکومت وچ واں، اج تن انگلیاں میری پاسوں اٹھ رہیاں نیں، کسی سیاست دان دے بچے پمز ہسپتال نہیں جاندے۔
اوہناں آکھیا کہ عام بندے نوں معاشی گنتیاں نال غرض نہیں، عام بندے نوں اپنے بچے دی پڑھائی تے علاج نال غرض اے، سماجی انصاف معاشرے وچ ونڈ مکاون لئی ضروری اے، صحت تے پڑھائی دے شعبیاں دی بہتری ماحولیاتی بچاؤ نال جڑی ہوئی اے، سرکاری سکولاں تے ہسپتالاں وچ سا بچیاں لئی بنا کسے فرق سہولتاں موجود نیں، ساڈی موہری ذمے واری اے کہ عام بندے نوں ودھیا زندگی دتی جاوے۔
ہسپتال وچ کوئی وی چیز عالمی معیار مطابق نہیں، سانحہ پمز دی مُڈھلی جاچ رپورٹ وزیراعظم نوں پیش۔
مصدق ملک دا آکھݨ سی تہانوں حیرت نہیں ہوئی کسی ڈاکٹر دی انگلی نہیں کٹی، کوئی نرس زخمی نہیں ہوئی، کسی فائرمین نوں اگ نہیں لگی تے 14 بچے سڑ کے راکھ ہو گئے۔
وفاقی وزیر نے سوال چکدیاں پچھیا کہ کیہ سروس ڈلیوری ہوئی، کتھے سن ایہہ سارے لوک، ایہہ تاں فکس اپ ہووے گا، تے ایہہ فکس اپ ہووے گا تاں باقی دیاں ساریاں چیزاں اُتے گل بات ہووی گی، ایس نوں فکس اپ کیتے بنا ہݨ کوئی گل بات نہیں ہووی گی۔
