کرونا وائرس دے پھیلاؤ دا خطرہ، وزیراعظم نے پیشگی اقدامات دی ہدایت کر دتی

اسلام آباد: وزیراعظم عمران خان نے پاکستان وچ کرونا وائرس پھیلن دے خدشے دے پیش نظر پیشگی حفاظتی اقدامات دی ہدایت کر دتی اے۔

وزیراعظم دفتر ولوں متعلقہ وزارتاں نوں ایس اہم معاملے تے خصوصی مراسلہ جاری کر دتا گیا اے جہدے وچ کرونا وائرس دے خطرے نال نبڑن لئی مربوط حکمت عملی مرتب کرن دی ہدایت کیتی اے۔ مراسلے وچ اعلیٰ سطح بین الوزارتی اجلاس بلان دی دی ہدایت کیتی گئی اے۔

مراسلے وچ آکھیا گیا اے چین وچ ساہمنے آن والے کرونا وائرس دے ہن تک دو ہزار کنفرم کیسز دنیا بھر وچ ساہمنے آ چکے نیں۔

پاکستان وچ چینی باشندیاں دی چوکھی تعداد وچ موجودگی تے دوواں ملکاں وچکار سفر کرن والے بندیاں دی چوکھی تعداد دے پیش نظر ویلے سر حفاظتی اقدامات دی غیر موجودگی وچ پاکستان وچ کرونا وائرس دے پھیلاؤ دے خدشے نوں خارج از امکان نہیں قرار دتا جا سکدا۔ ایس لئی ایس سلسلے وچ جامع حکمت عملی ترتیب دتی جاوے تے مرتب کیتی جان والی سفارشات اک ہفتے وچ وزیراعظم دفتر نوں پیش کیتی جان۔ اودھر وزیراعظم دی ہدایت تے بین الوزارتی پندرہ رکنی کمیٹی تشکیل کمیٹی دا پہلا اجلاس طلب کر لیا گیا اے۔

کمیٹی اک ہفتے وچ سفارشات تیار کرے گی۔ کمیٹی وچ سیکرٹری خارجہ، داخلہ تے ہوا بازی، حساس اداریاں دے حکام ، ڈی جی ملٹری آپریشن، ڈی جی سول ایوی ایشن، ڈی جی ایئر پورٹ سکیورٹی فورس تے چیئرمین این ڈی ایم اے سنے دوجے حکام وی شامل نیں۔