غزل
سلیم نجمی
لکھنا پڑھنا میرا وی تے خاب اے باپو جی
میری عرض وی کاپی قلم کتاب اے باپو جی
چوہدریاں دے حقے پانی بھر نہیں سکدا میں
ایہہ تیرا وی پتر پھل گلاب اے باپو جی
لکھ پڑھ کے تے جسلے وڈا افسر بنیا میں
تساں وی اکھوانا فیر نواب اے باپو جی
جد وی فجرے ویکھاں بال سکولے جاندے میں
آ جاندا فر اکھاں وچ سیلاب اے باپو جی
جدی پشتی کامے رہنا کتھے لکھیا اے
میں وی ویکھاں کہڑا انج دا باب اے باپو جی
کتھوں تیکر انج ای مندڑا جین ہنڈاواں گے
کد تک رہناں لیکھاں انج خراب اے باپو جی
خورے کد نجمی دی سدھر پوری ہووے گی
شام سویرے رہندا دل بے تاب اے باپو جی
Load/Hide Comments