غزل
عمران شکیل
جتی بازی ہار دیاں میں جی کردا اے
تیری نفرت مار دیاں میں جی کردا اے
جدوں تپاوے سورج دھرتی جثے ساڑے
سورج نوں ای ٹھار دیاں جی کردا اے
سینے دے وچ سانبھ کے رکھاں دکھ میں سارے
تھاں تھاں پیار کھلار دیاں میں جی کردا اے
قدم قدم تے جنھاں نوں اتباراں ڈنگیا
اوہناں نوں اتبار دیاں میں جی کردا اے
شاخاں اُتے سجرے پھُل کھڑاوے جد وی
موسم نوں دستار دیاں میں جی کردا اے
چیتے آوے جدوں سلوک ایس جگدا مینوں
سارے جگ نوں مار دیاں میں جی کردا اے
منفی سوچ سلیم جدوں وی ٹپے حد نوں
ویلے نوں للکار دیاں میں جی کردا اے
Load/Hide Comments