نعت شریف

علی احمد گجراتی

آقا ۖ تیری چوکھٹ تارے چُمدے نیں
تیرا تلوا عرش نظارے چُمدے نیں
خشکی پانی ہر شے تیرے تابع ہے
تیری کشتی آپ کنارے چمدے نیں
ایس بہانے راحت ملدی روحاں نوں
تیرے” جوڑے” درداں مارے چمُدے نیں
خیر ملی اے تیرے صدقے نبیاں نوں
نام تیرے نوں مُرسل سارے چُمدے نیں
جہڑی مِٹّی چُمیا تیرے پیراں نوں
اُس مِٹّی نوں اوج کنارے چُمدے نیں
اوہ رُخسارے فِطرت مُر مُڑ چُمدی اے
تیری چوکھٹ جو رخسارے چُمدے نیں