نعت شریف

عبدالحمید نظامی

معراج تے اپڑے سن سرکار بلندی تے
نعلین وی پیراں وچ ہر وار بلندی تے
رب آکھیا موسیٰ توں تک سکدا نہیں مینوں
سرکار نوں خود دتا دیدار بلندی تے
میرے عرش مقدس نوں توقیر ذرا بخشو
نعلین سنے آئو دلدار بلندی سے
کجھ گلاں خاصاں لئی کجھ عاماں لئی ہوئیاں
رب سارے کر دتے اظہار بلندی تے
نعلین مقدس دے نقشے نوں چمیا کر
جے خود نوں ویکھنا ای میرے یار بلندی تے
رب جنت گھل چھڈی ایویں نہیں مدینے وچ
شاناں وچ طیبہ دے بازار بلندی تے
رب نال نظامی جی سرکار صلاحواں وچ
امت لئی ہندے نیں وچار بلندی تے