آقاۖ دی عظمت

علی احمد گجراتی

زمانے تے عیاں اِسراں میرے آقاۖ دی عظمت ہے
نبیۖ نیں مقتدی سارے محمدۖ دی امامت ہے
میرے آقا ۖ دے ہتھ وچ ہی جہاناں دی نظامت ہے
اطاعت ہے جو آقاۖ دی خدا دی ہی اطاعت ہے
پَوے بھاویں جو کم کوئی تیرے دَر دی ایہ عظمت ہے
اَدب دے نال چُپ کر کے کھلو رہنا عبادت ہے
تیری سِیرت جہاناں لئی قرینہ ایں حیاتی دا
میرے آقاۖ تیری اُلفت شفاعت لئی ضمانت ہے
ہر اِک شے نوں اوہدا جوہر تیرے ناں توں ہی ملیا اے
خدائی دی رَگاں اُتے تیری آقا حکومت ہے
تیرے رُتبے دے کیا کہنے یُصَّلوْنَ خدا آکھے
فرشتے چاکری کردے تیری قرآں فضیلت ہے