نعت شریف

عبدالحمید نظامی

مل جاوے روح نوں طاقت جے تکیں پاک نعلین
ٹل جاوے گی ہر آفت جے تکیں پاک نعلین
آویں گا اپنے شوقوں سرکار دا بنن غلام
بن جاسیں اوہدا مانگت جے تکیں پاک نعلین
توں پٹکا پا غلامی نت پڑھیا کر درود
ہر قدم تے رہیں گا ثابت جے تکیں پاک نعلین
اکھیاں وچ ہنجو لے کے جا پاک مدینے ول
اوہدی رحمت کرے سواگت جے تکیں پاک نعلین
تو مفت ثواب کما کے کر وادھا نیکیاں وچ
نہیں آوندی کجھ وی لاگت جے تکیں پاک نعلین
ایہہ شان کمال نظامی ہے میرے آقا دا
رہندائے عشق سلامت جے تکیں پاک نعلین