امریکی عدالت دی ڈونلڈ ٹرمپ نوں جیل گھلن دی وارننگ، ہزاراں ڈالر جرمانہ

امریکی (نیوزڈسیک)امریکی عدالت نے سابق صدر ڈونلڈ ٹرمپ نوں اگلی وار توہین عدالت کرن توں خبردار کر دیاں ہویاں جرمانہ عائد کردتا۔امریکادے سابق صدرخلاف کیس دی سماعت کرن والے جج نے قرار دتا کہ ڈونلڈ ٹرمپ نے گواہاں، جیوری تے ہوراں معاملیاں اُتے بولن بارے پابندی دی خلاف ورزی کیتی جس پاروں اونہاںنوں9ہزار ڈالر دینا ہون گے تے اگر دوبارہ ایسا قدم چُکیا تے اونہاں نوں جیل گھل دتا جائے گا۔سابق صدر خلاف جاری مقدمے وچ فحش فلماں دی اداکارہ اسٹارمی ڈینیئلز دے وکیل کیتھ ڈیوڈسن وی پیش ہوئے تے عدالت نوں یقین دلایا کہ اداکارہ نوں رقم دی ادائیگی پیچھے ٹرمپ ہی سن۔