غزل

بیگم شاد چغتائی

کوڑے وانگوں کھلرے کوئی آ کے ہونجے ناں
مدتاں ہوئیاں روندیاں کوئی اتھرو پونجھے ناں
غم دیاں تیراں چھاننی کیتا ہن اے حالت میری
ڈر ڈر اندر لکنی آں کوئی کونج وی کونجے ناں
دل دے ہاڑے تے روح دیاں چیکاں انج بھرمایا مینوں
اوہ تے روندی مینوں لگے شہنائی وی گونجے ناں
ڈردی دل دی گل نہ دساں مت کوئی کہوے وچاری
ربا ایتھے میرے وانگوں کوئی کھرونجے ناں
دل دیاں سدھراں ٹوٹے ہوئیاں ٹوٹے کیویں جوڑاں
شیشہ تے جڑ جاندا اے پر تڑگھر ونجے ناں
دکھ دی پوڑھی جہڑا چڑھیا سکھ دا گھر نہ لبھے
میرے وانگوں ایتھے کوئی شاد کھرونجے ناں