لہور جلسے دے نال سرکار دی جان نکلی ہوئی اے ،مریم نواز

لہور( سٹی رپورٹر )مسلم لیگ (ن) دی نائب صدر مریم نواز نے آکھیا اے کہ قانون تے آئین دی گلاں سرکار نوں زیب نہیں دیندیاں۔ لوکائی مہنگائی ،بیروزگاری تے لاقانونیت کولوں تنگ آئے ہوئے نیں۔ لوکائی پی ڈی ایم وچ تے نوازشریف وچ اپنی نجات ویکھ رہے نیں۔ اسلام آباد روانگی توں پہلاں لہور وچ میڈیا دے نال گل بات کردیاں ہویاں ا وہناں نے تیرہ دسمبر نوں لہور وچ ہون والے جلسے دے نال سرکار دی جان نکل گئی اے۔ کدی اینج ہویا اے کہ اک جلسے دی وجہ توں تن ،تن ہزار افراد دے خلاف مقدمہ درج کیتا گیا ہوئے۔ اوہناں نے مزیدآکھیاا ے کہ ساڈے اتنی ایف آئی آر ز قائم کردتیاں نیں کہ ہن سانوں کسی ایف آئی آر دا خوف نہیں رہیا۔ میری گرفتار ی دی صورت وچ ایس تحریک دی قیادت عوام کرن گے۔ پی ڈی ایم دے سربراہی اجلاس توں متعلق مریم نواز نے آکھیا اے کہ ایہہ عوام نوں ریلیف دوان تے مشکلاں توں کڈھن دی تحریک اے۔ جہڑی ہن ایس سرکار نوں گھر بھیج کے ای دم لوے گی۔