سلیکٹڈ ٹولہ اج ہچکولے کھا رہیا اے ، ڈر و خوف وچ مبتلا اے، مریم اورنگزیب

لہور(سٹی رپورٹر)پاکستان مسلم لیگ ن دی ترجمان مریم اورنگزیب داآکھنا اے کہ سلیکٹڈ ٹولہ اج ہچکولے کھا رہیا اے ، ڈر و خوف وچ مبتلا اے، سلیکٹیڈ ٹولہ دی ترجیح اے کہ شہبازشریف نو ں ڈاکٹر تیک رسائی نہ دتی جا وے۔ مریم اورنگزیب نے اپنے بیان وچ سرکار اتے تنقید تے مسلم لیگ دے صدرشہبازشریف توں متعلق گل بات کردیاں ہویاں آکھیا اے کہ شہبازشریف نوں عمران خان دے حکم اتے ڈاکٹر تیک رسائی نہیں دتی گئی۔ عمران خان شہبازشریف دی فائلاں اپنی ٹیبل اتے رکھدے نیں۔ ساڈے نااہل وزیراعظم عمران خان دی ٹیبل اتے پاکستان نوں ترقی دین دی کوئی فائل نہیں۔ سلیکٹڈ تے ڈرپوک جدوں کرسی اتے بیٹھدا اے تے ٹیبل اتے شہبازشریف دی فائل ہوندی اے۔ رہنما مسلم لیگ ن مریم اورنگزیب نے مزیدآکھیا اے کہ بجلی، آٹا، چور دی ترجیح صرف شہباز شریف اتے نیب گردی اے۔اوہناں نے آکھیا اے کہ کرائے دے ترجمان جمناسٹک کررہے نیں۔ عمران خان تعریف کررہے نیں ،تساں منہ ہتھ پھیرو، ترجمان گالیاں دین ۔ ساڈا وزیراعظم جلسہ وچ کرسیاں لگان اتے ایف آئی آر کٹن دی دھمکی دیندا اے۔ تساں ایف آئی آر دے ریکارڈ بنائو ایسیں کرسیاں لگاواں گے۔ کرائے دے ترجمان چھپ چھپ کے مریم نواز دی ریلی ویکھدے نیں فیر اودھے اتے ٹی وی اتے بیٹھ کے تبصرے کردے نیں۔ جہانگیر ترین نوں جہاز دے ذریعہ نسا دتا ہن جہاز دے ذریعہ واپس بلا لیا۔ ایف آئی آر دا کجھ پتہ نہیں۔ ایہہ اے دوہری معیار سرکار تے نیب دا۔