بر طانیہ وچ کورونا ویکسین شروع کر دتی گئی

لندن( پبجابی میڈیا گروپ) برطانیہ وچ اک 90سالہ خاتون نوں کورونا ویکسین لگا کے ملک وچ ویکسینیشن دا آغاز کر دتا گیا اے۔عالمی خبر رساں ادارے دے مطابق برطانیہ میں اج صبح توں ملک وچ کورونا دے حفاظتی ٹیکے لگانے شروع کر دتے گئے جس نوں وی ڈے دا نام دتا گیا اے۔ایس سلسلے وچ کووینٹری دے یونیورسٹی اسپتال وچ سب توں پہلاں ڈوز مارگریٹ کینن نوں لگائی گئی اے جو آئندہ ہفتے اپنی91ویں سالگرہ منائے گی۔برطانیہ نے پچھلے مہینہ فائزر تے بائیوٹیک دی مشترکہ ویکسین دے استعمال دی اجازت دتی سی جس لئی 40 ملین خوراکاں خریدیاں گیاں نیں جو 20ملین لوکاں نوں لگائیاں جان گیاں۔پہلیاں8 لکھ خوراکاں80سال توں ودھ عمر دے لوکاں نوں لگائیاں جان گیاں جس لئی ابتدائی طور اُتے 70اسپتالاں وچ کورونا ویکسینیشن دی سہولت فراہم کیتی گئی اے۔