جنوری توں مارچ دے وچکار کرونا ویکسین دستیاب ہووے گی ،ڈاکٹر فیصل سلطان

اسلام آباد ( بیورو رپورٹ) وزیر اعظم دے معاون خصوصی برائے صحت ڈاکٹر فیصل سلطان نے آکھیا اے کہ سال 2021 دے پہلے تن ماہ جنوری توں مارچ دے وچکار کرونا ویکسین دستیاب ہووے گی ،صحت حکام کرونا وائرس ویکسین دے حصول لئی چین، روس سنے دیگر ملکاں نال گل بات کررہے نیں۔ غیر ملکی خبررساں ادارے دے نال گل بات کردیاں ہویاں ڈاکٹرفیصل سلطان نے آکھیا اے کہ اسی اپنی ترجیحی فہرست نوں محدود کرن دے بعد کرونا وائرس دی ویکسین دے حصول لئی چین، روس تے دیگر ملکاں دے نال گل بات کر رہے آں۔ پہلے مرحلے وچ طبی عملے تے زیادہ عمر دے افراد نوں دتی جاوے گی۔ ایہناں دامزیدآکھنا سی کہ اجے کجھ حتمی فیصلہ نہیں، میں تہانوں ایہہ دس سکناں واں کہ سانوں اک ذریعے توں زیادہ اُتے انحصار کرنا ہووے گا۔