کورونا وباء دے واروچ تیزی،مزید89 افراد جاں بحق ،2 ہزار 800 توں زائد نئے کیسز رپورٹ

اسلام آباد(بیورو رپورٹ) ملک بھر وچ کرونا وباء دے مریضاں وچ پچھلے 24گھنٹے دے دوران دو ہزار توں زائد افراد وچ کرونا وائرس دی تشخیص ہوئی اے جدکہ 89افراد جان توں ہتھ دھو بیٹھے نیں۔ نیشنل کمانڈ اینڈ آپریشن سینٹر ولوں جاری کردہ اعداد و شماردے مطابق پچھلے 24 گھنٹے وچ ملک بھر وچ 33 ہزار 610 کورونا ٹیسٹ کیتے گئے،جہدے بعد مجموعی کووڈ 19 ٹیسٹاں دی تعداد 58لکھ 27 ہزار 852 ہوگئی اے۔ پچھلے چوبیس گھنٹے دے دوران ملک بھر وچ مزید 2 ہزار 885 افراد وچ کورونا دی تشخیص ہوئی اے۔ ایس طرحاں پاکستان وچ کرونا دے مصدقہ مریضاں دی تعداد 4 لکھ 23 ہزار 179 ہوگئی اے۔ رپورٹ دے مطابق ہن تیک سندھ وچ اک لکھ 86 ہزار 212، پنجاب وچ اک لکھ 24 ہزار 191، خیبر پختونخوا وچ 50 ہزار 078، اسلام آباد وچ 33 ہزار 061، بلوچستان وچ 17 ہزار 501، آزاد کشمیر وچ 7 ہزار 390 افراد وچ کرونا دی تشخیص ہوئی اے۔ سرکاری اعدادوشمار دے مطابق ایس ویلے ملک بھر وچ کرونا دے فعال مریضاں دی تعداد 44 ہزار 218 ہوگئی اے۔