بلین ٹری سونامی منصوبے وچ 5ارب روپے دی بے قاعدگی دی مکمل چھان بین کیتیاں جان : محمد جاوید قصوری

لہور (سٹی رپورٹر) امیر جماعت اسلامی صوبہ وسطی پنجاب و صدر ملی یکجہتی کونسل پنجاب وسطی محمد جاوید قصوری نے آکھیا اے کہ آڈیٹر جنرل دی رپورٹ دے مطابق بلین ٹری سونامی منصوبے وچ پنج ارب روپے دی بے قاعدگی دا انکشاف تشویشناک تے تحریک انصاف دی کارکردگی اتے وڈا سوالیہ نشان اے۔ پرائیویٹ نرسری توں 9روپے والا پودا 16روپے وچ خریدا گیا ۔ داسو پن بجلی منصوبے دے ٹھیکے ، سامان دی خریداری وچ تاخیر توں 466ارب 95کروڑ روپے دا قومی خزانے نوںنقصان پہنچایا گیا۔ ایہناں خیالات دا اظہاراوہناں نے پچھلے روز مختلف تقریبات دے نال خطاب کردیاں ہویاں کیتا۔ اوہناں نے آکھیا اے کہ موجودہ حکمران وی ماضی دی سرکاراں دے نقش قدراتے چل رہے نیں۔ وزیر اعظم تے وزراء مسلسل غلط بیانی کرکے قوم نوں گمراہ کر رہے نیں۔ مند پسند افراد نوں اہم عہد یاں اتے تعینات کرنا اقرباپروری دی بدترین مثال اے۔