عمران خان نے چپڑاسی نوں وزیر داخلہ بنا دتا،رانا ثناء اللہ

لہور (پنجابی میڈیا گروپ)پاکستان مسلم لیگ (ن) پنجاب دے صدر رانا ثناء اللہ خان نے شیخ رشید نوں وزیرداخلہ بنان اتے تبصرہ کردیاں ہویاں آکھیا اے کہ عمران خان نے چپڑاسی نوں وزیر داخلہ بنا دتا۔عمران نیازی نے تابعداری وچ اپنے ‘چپڑاسی ،نوں وزیرداخلہ بنایا اے۔ ٹرین حادثات وچ 100بے گناہاں دے قتل دے بعد وزارت داخلہ ‘چپڑاسی ‘نوں دتی گئی۔ آئے دن دی اکھاڑ پچھاڑ توں موجودہ سرکار دی بیمار ذہنیت دا پتا لگدا اے کہ ایہدے دن گے جاچکے نیں۔