حکومتی کوششاں رنگ لے آیاں: مہنگائی گھٹن لگ پئی

اسلام آباد(پنجابی میڈیا گروپ)حکومت ولوں کیتیاں گیاں بھرپور کوششاں توں بعد ملک بھر وچ مہنگائی گھٹن لگی، ادارہ شماریات نے ہفتہ وار مہنگائی دی رپورٹ جاری کر دیاں آکھیا کہ حالیہ ہفتے دے دوران مہنگائی دی شرح 0.26فیصد گھٹی اے۔ادارہ شماریات دے مطابق اک ہفتہ دے دوران 16شیواں دیاں قیمتاں ودھیاں جس وچ انڈے تے چکن اے، اک ہفتے دے دوران فی درجن انڈیاں دی قیمت وچ13روپے ودھے، انڈے فی درجن 195روپے توں ودھ ہو گئے۔مہنگائی دی ہفتہ وار رپورٹ دے مطابق اک ہفتے وچ لہسن تین روپے فی کلو مہنگا ہوئیا، لہسن دی قیمت 236 روپے فی کلو تک پہنچ گئی۔ اک ہفتے دے دوران چکن دی فی کلو قیمت وچ اک روپیہ وادھا ہوئیا،چکن دی قیمت 239روپے فی کلو ہوگئی۔