اداکارہ نادیہ خان نے منگنی کرلئی؟

اسلام آباد( پنجابی میڈیا گروپ) مشہور پاکستانی اداکارہ تے مارننگ شو دی ہوسٹ نادیہ خان نے منگنی کرلئی۔میڈیا رپورٹس دے مطابق اداکارہ نادیہ خان نے اسلام آباد وچ اک نجی تقریب وچ منگنی کیتی جس وچ صرف اوہناں دے گھر والیاں نے رلت کیتی جد کہ اگلے کجھ ہفتیاں وچ اوہ ویاہ کر لیئے گی جس دیاں تیاریاں شروع کردتیاں گیاں نیں تے ایس سلسلے وچ اداکارہ ڈریس ڈیزائنر کول اپناویاہ دا جوڑا سلوان لئی کئی وار جا چکی اے۔سوشل میڈیا اُتے گردش خبراں دے مطابق اداکارہ نادیہ خان دے منگیتر ائیرفورس وچ پائلٹ نیں تے دوناں نوں منگنی دی تقریب وچ بوہت خوشویکھیا گیا لیکن منگنی تے اوہناںدے ویاہ بارے خبراں اُتے اداکارہ ولوں اجے تک خموشی اے۔