ارطغرل غازی لہورآگئے :پی سی ہوٹل وچ میڈیا نال گل بات

لہور(پنجابی میڈیا گروپ) مشہور ڈرامہ سیریل ارطغرل غازی دے مرکزی کردار اینگن التان دا کہنا اے کہ اگر چنگی سٹوری ملی تے پاکستانی ڈرامیاں وچ ضرور کم کراں گا۔لہور وچ پریس کانفرنس کردیاں ہوئیاں ترکی دے ڈرامہ سیریل ارطغرل غازی دے مشہور اداکار اینگن التان دا کہنا اے کہ مینوں پتہ اے کہ پاکستانی عوام مینوں بوہت پیار کردی اے، تے ایس توں ودھ خوشی دی گل ایہ اے کہ وزیراعظم عمران خان نے ارطغرل غازی ڈرامے دی تعریف کیتی۔اینگن التان دا کہنا سی کہ ارطغرل غازی بہت وڈی ڈرامہ سیریل سی، ایہ اک اسلامی اسٹوری سی جس نوں پاکستان وچ بہت پسند کیتا گیا، اگر چنگی کہانی ملی تے پاکستان دے ڈرامیاں وچ ضرور کم کراں گا۔