بھارتی تریخ وچ پہلے انڈین آرمی چیف دا سعودی عرب تے متحدہ عرب امارات دا دورہ

نویں دہلی( پنجابی میڈیا گروپ) بھارت دے چیف آف آرمی اسٹاف جنرل منوج مکند نراوانے سعودی عرب تے متحدہ عرب امارات دے اک ہفتے دے سرکاری دورے اُتے ابوظہبی پہنچ گئے نیں۔بھارتی میڈیا دے مطابق چیف آف آرمی اسٹاف جنرل ایم ایم نراوانے مشرق وسطی دے اک ہفتے دے سرکاری دورے اُتے نیں، اوہناں دا پہلا پڑاو متحدہ عرب امارات اے جیتھے اوہناں نے اماراتی بری فوج دے کمانڈر تے اسٹاف میجر جنرل صالح محمد صالح الامری نال ملاقات کیتی اے تے باہمی دلچسپی تے دفاعی تعاون دے اہم کماں اُتے گل بات کیتی۔ایس توں پہلاںجنرل نراوانے نوں متحدہ عرب امارات دی لینڈ فورس دے ہیڈکوارٹر وچ گارڈ آف آنر دتا گیا جدکہ شھیداں دییادگار اُتے پھُلاں دی چادر وی چڑھائی۔جنرل نراوانے سعودی عرب تے متحدہ عرب امارات دا دورہ کرن والے بھارتی فوج دے پہلے آرمی چیف بن گئے نیں۔