حریم شاہ دی ویب سیریز’ راز ‘دا ٹیزر آ گیا

کراچی( پنجابی میڈیا گروپ) ٹک ٹار اسٹار حریم شاہ دی ویب سیریز راز دا پہلا ٹیزر جاری ہوگیا۔ کجھ دن پہلاںخبر ساہمنے آئی سی کہ حریم شاہ پاکستان دے پہلے او ٹی ٹی پلیٹ فارم(اسٹریمنگ ویب سائٹ) اردو فلکس دی ویب سیریز وچ نظر آئے گی۔ تے ہن اوہناں دی ویب سیریز راز دا پہلا ٹیزر وی منظرعام اُتے آگیا اے۔اردو فلکس دے انسٹاگرام اکائونٹ توں پہلاں ویب سیریز راز دا ٹیزر جاری کیتاگیا۔ ایس ویب سیریز وچ حریم شاہ دی زندگی دی اصل کہانی وکھائی گئی اے کہ کس طرح اوہ ٹک ٹاک اُتے متنازع ویڈیوز وائرل ہون دی وجہ توں مشہور ہوئی۔ ویب سیریز وچ سوشل میڈیا دی پاور نوں وکھایا گیا اے کہ کس طرح ایہ سوشل میڈیا راتوں رات کسی نوں شہرت دی بلندی اُتے پہنچادیندا اے تے کس طرح اک ہی جھٹکے وچ سب کجھ ختم کردیندا اے۔ٹیزر وچ وکھایا گیا اے کہ متنازع ویڈیو وائرل ہون توں بعد حریم شاہ پریشان یا مایوس ہون دی بجائے اُلٹا ایس صورتحال نوں انجوائے کررہی اے۔