میں کجھ وی کر لاں لیکن لوگ رنبیر کپور نال سگریٹ نوشی دا طعنہ دیندے نیں: ماہرہ خان

کراچی( پنجابی میڈیا گروپ) معروف ادکارہ ماہرہ خان نے بالی ووڈ اداکار رنبیر کپور نال سگریٹ نوشی والے واقعے اُتے گل بات کر دیاں آکھیا کہ میں کجھ وی چنگا کرلاں لوگ کئی ورھے بعد وی ایس واقعے نوں یاد دلا ندے نیں۔
ماہرہ خان نے واسع چوہدری دے شو گھبرانا نہیں ہے وچ بالی ووڈ اداکار رنبیر کپور نال چار ورھے پہلاں سگریٹ نوشی والے تنازع اُتے گل کیتی اے۔ شو دے میزبان واسع چوہدری نے ماہرہ خان توں سوال کیتا رنبیر نالسگریٹ نوشی والا تنازع تہاڈے اُتے کس طرح اثر انداز ہوئیا؟
ماہرہ خان نے جواب دتا ایہ واقعہ اج وی لوگ بھولے نہیں میں کجھ وی کہہ لاں، کوئی چنگا کم وی کرلاں اگر میں آکھاں انشااللہ تے لوگ اگوںمیری تے رنبیر دی تصویر وکھاکے آکھدے نیں کہ تُسی ایہ کیتا سی نہ۔اگر میں آکھاں عید مبارک لوگ فیر وی مینوں اوہی واقعہ یاد دلاکے آکھدے نیں ٹھیک اے لیکن یاد اے تُسیایہ کیتا سی تے ایس دے جواب وچ میں کیہ کہہ سکدی سوائے ایسدے کہ اوکے۔