میں تے شہروز اک دوجے دے زیادہ نیڑے آ گئے آں: صدف کنول

لہور( پنجابی میڈیا گروپ) پاکستان دی معروف اداکارہ تے ماڈل صدف کنول نے آکھیا ہن میں تے شہروز زیادہ قریب آ گئے آں۔ تفصیلات دے مطابق پچھلے دناں شہروز تے صدف نجی ٹی وی دے پروگرام وچ شریک ہوئے، دوران شو میزبان دے سوالاں دے جواب وچ دوواں نے اپنی شادی بارے کئی انکشافات کیتے تے اوتھے صدف کنول نے دسیا کہ اوہناں نوں شہروز نوں ویکھدیاں ای کیہ محسوس ہویا۔ صدف دا کہنا سی شہروز ای اوہ بندہ اے جہنوں ویکھ کے محسوس ہویا کہ ایہناں نال ای شادی ہووے گی۔ اسیں دوویں روزانہ اک دوجے بارے نویاں چیزاں جاننے آں، اسیں روزانہ خوش ہوندے آں، اسیں اک دوجے دے ہور زیادہ قریب آ گئے آں۔