لہور ہائیکورٹ ولوںشہباز گل اُتے انڈے تے سیاہی سُٹن دا سخت نوٹس

لہور (پنجابی میڈیا گروپ )لہور ہائیکورٹ نے شہباز گل اتے انڈے تے سیاہی سوٹن دا سخت نوٹس لے لیا۔ جسٹس ملک شہزاد احمد خان نے شہباز گل اتے حملے دا سخت نوٹس لیندیاں ہویاں سی سی ٹی وی دے ذریعے ذمہ داراں نوں شناخت کرکے ایہناں دے خلاف کارروائی دا حکم دیدتا۔جسٹس ملک شہزاد احمد خان نے ریمارکس دتے کہ پلیس کسی بے گناہ دے نال زیادتی نہ کرے، ہائیکورٹ وچ آن والا ہر شخص قابل احترا م اے ، جسٹس ملک شہزاد احمد خان ہوراں نے مزیدآکھیا اے کہ شہبازگل اتے سیاہی تے انڈے سوٹن اتے تشویش اے۔ ہائیکورٹ دے سی سی ٹی وی کیمریاں دی مدد دے نال ذمہ داراں دی شناخت کیتی جاوے۔