پی ڈی ایم نے استعفے دینے نیں یا لینے؟ فردوس عاشق اعوان

اسلام آباد (پنجابی میڈیا گروپ)وزیر اعلیٰ پنجاب دی معاون خصوصی اطلاعات فردوس عاشق اعوان نے آکھیا اے کہ پاکستان ڈیموکریٹک موومنٹ (پی ڈی ایم) پی ڈی ایم فیصلہ نہیں کرسکی کہ استعفے دینے نیں یا لینے نیں۔اپنے اک بیان وچ فردوس عاشق اعوان داآکھنا سی کہ پی ڈی ایم والے ملک نوں بحراناں توں کڈن دی گلاں کر رہے نیں حالانکہ بحراناں دی ذمہ دار ایہوی مفاد پرست تے کرپٹ گاڈفادرز خود نیں۔معاون خصوصی فردوس عاشق ہوراں نے مزیدآکھیا اے کہ پچھلے 6ماہ توں لے کے ہن تیک اپوزیشن اتحاد والے ایہہ فیصلہ نہیں کرسکے کہ استعفیٰ دینے یا لینے نیں۔ اوہناں نے آکھیا اے کہ کرپٹ ٹولہ سن لوے وزیراعظم عمران خان ای 2023 تیک وزیراعظم رہین گے۔کسی نوں وی این آر او نہیں ملن لگا۔