نیب لہور نے مریم نواز ولوں من گھڑت بیان دا نوٹس لے لیا

لہور(پنجابی میڈیا گروپ)نیب لہور نے مریم نواز ولوں من گھڑت بیان دا نوٹس لے لیا، نیب ولوں آکھیا گیا اے کہ’مریم نواز دا بیان اشتعال انگیز، لا ء اینڈ آرڈر نوں چیلنج کیتا’نیب لہور دے جاری کردہ اعلامیہ دے مطابق مریم نواز دے خلاف منی لانڈرنگ تے چوہدری شوگر ملز وچ مبینہ ملوث ہون دی چھان بین جار ی نیں۔ مریم نواز نے مبینہ طور تے عوام وچ اشتعال انگیز بیانات دیندیاں ہویاں لاء اینڈ آرڈر نوں چیلنج کیتا۔ پچھلے روز مسلم لیگ نون دی نائب صدر مریم نواز نے جاتی امرا وچ میڈیا دے نال گل بات کردیاں ہویاں آکھیا اے کہ نیب نے ہائیکورٹ وچ میری ضمانت دے خلاف درخواست دتی۔ لہورہائیکورٹ وچ نیب دی درخواست مضحکہ خیز اے۔ ہائیکورٹ وچ آکھیا گیااے کہ میں بیانات دے رہی واں ایس لئی ضمانت کیتی ج اوے۔ بیانات نوں پرکھن دا اختیار نیب نوں کیویں مل گیا؟ نیب دا کم کرپشن پھڑنا اے جہدے وچ بری طرحاں نکام ہویا۔ 2 واری جیل کٹ چکی واں۔مریم نواز داآکھنا سی کہ نیب نے ہائیکورٹ وچ جھوٹھ بولیا کہ چھان بین وچ تعاون نہیں کر رہی۔ نیب نے جدوں وی بلایا میں گئی میرے اتے حملہ تے پھرائو کیتا گیا۔ نیب آفس دے بار کھڑی رہی اوہناں نے بووے نہیں کھولے۔ مریم نوازنے مزیدآکھیا اے کہ پاکستان زندہ باد اے‘ زندہ باد روے گا۔