فارن فنڈنگ کیس :فیصلہ سرکار دے خلاف ای آئے گا، شاہد خاقان عباسی

اسلام آباد(پنجابی میڈیا گروپ )پچھلے وزیراعظم شاہد خاقان عباسی نے آکھیا اے کہ سرکارنوں پتہ اے کہ فارن فنڈنگ کیس دا فیصلہ سرکار دے خلاف ای آوے گا، مسلم لیگ ن دا واضح موقف اے کہ استعفے دینے چاہیں کسی نوں یقین دہانی کروائی۔ استعفیاں دے حوالے توں حتمی فیصلہ پی ڈی ایم کی کرے گی۔ سرکار نے چناہارن دے بعد منن دی بجائے الیکشن کمیشن توں ای استعفیٰ دین دا مطالبہ کردتا۔ تفصیلات دے مطابق اسلام آباد وچ میڈیا دے نال گل بات کردیاں ہویاں شاہد خاقان عباسی نے آکھیا اے کہ الیکشن کمیشن کولوں مستعفی ہون دے مطالبے دے پچھلے پی ٹی آئی فارن فنڈنگ کیس دا فیصلہ اے۔ کل وفاقی کابینہ الیکشن کمیشن اتے حملہ آور ہوئی، ایہہ ملک نہیں بلکہ دنیا دی تاریخ وچ پہلی واری ہویا۔ سرکارنے الیکشن ہارن دے بعد منن دی بجائے الیکشن کمیشن توں ای استعفیٰ دین دا مطالبہ کردتا ۔الیکشن کمیشن توں مستعفی ہون دے مطالبے دے پچھے فارن فنڈنگ کیس دا متوقع فیصلہ اے۔ سرکار جاندی اے کہ فیصلہ ایہناں دے خلاف ای آوے گا۔ ثابت ہوجاوے گا کہ تحریک انصاف نے ممنوعہ ذرائع توں فنڈنگ لئی تے فنڈز عمران خان دے ذاتی اکائونٹس وچ گئے۔