ٹیکس چوری روکن لئی اقدامات دی ضرورت اے: وزیراعظم

اسلام آباد( پنجابی میڈیا گروپ)وزیراعظم نے کورونا ایس او پیز اُتے عملدرآمد یقینی بنان دی ہدایت کردیاں ہوئیاں آکھیا کہ کجھ وڈے سیکٹراں وچ ٹیکس چوری روکن لئی اقدامات دی ضرورت اے، ایف بی آر وچ ٹریک اینڈ ٹریس سسٹم لیا رہے نیں، بالواسطہ ٹیکس لگان نال مہنگائی ودھی اے۔وزیراعظم عمران خان نے وفاقی کابینہ اجلاس وچ آکھیاکہ ایف بی آر وچ ٹریکنگ سسٹم لیا رہے نیں، ایف بی آر 15 ورھیتوں کوشش کر رہیا اے، ایس نوںروک دتا جاندا اے، معیشت دے کجھ وڈے سیکٹراں وچ ٹیکس چوری ہو رہی اے، لوگ ٹیکس نہیں دیندے، ملک دا ارباں روپے دا نقصان ہندا اے، 40 فیصد فروخت ہون والی سگریٹ اُتے ٹیکس نہیں دتا جاندا، سگریٹ انڈسٹری وچوں صرف2 کمپنیاں ٹیکس دیندیاں نیں۔