مسئلہ کشمیر پاک بھارت کشیدگی دی وڈی وجہ اے، آرمی چیف

اسلام آباد (پنجابی میڈیا گروپ ) چیف آف آرمی سٹاف جنرل قمر جاوید باجوہ نے آکھیا اے کہ مسئلہ کشمیر پاک بھارت کشیدگی دی وڈی وجہ اے، خطے وچ قیام امن لئی مسئلہ کشمیر دا حل ضروری اے۔ مسئلہ کشمیر دے منصفانہ حل کیتے بغیر خطے وچ امن ممکن نہیں،نیشنل سکیورٹی ڈائیلاگ ویلے دی اہم لوڑ اے ،افغانستان وچ قیام امن لئی پاکستان دا اہم کردار اے ۔گوانڈیاں دے نال سارے تنازعات پرامن تے باوقار مذاکرات دے نال حل کرنا چاہنے آں۔ ات گردی دے خاتمے وچ پاک فوج نے اہم کردار ادا کیتا۔ سکیورٹی چیلنجز دے باوجود پاکستان ہتھیاڑاں دی دوڑ وچ شامل نہیں ہویا۔ تفصیلات دے مطابق اسلام آباد وچ جاری نیشنل سیکورٹی ڈائیلاگ دی تقریب دے نال خطاب کردیاں ہویاں آرمی چیف ہوراں نے آکھیا کہ اج دنیا نوں مختلف طرزدی ات گردی دا ساہمنا اے۔ موجودہ حالا ت وچ پاکستان نوں وی کئی چیلنجز دا ساہمنا اے۔ نیشنل سکیورٹی صرف اندروزنی تے بیرنی خطرات دا مقابلہ کرنا نہیں اے۔ اوہناں نے مزیدآکھیا اے کہ پاکستان خطے وچ اک ذمہ دار ملک اے ‘تے پاکستان دی جیوپولیٹیکل حیثیت خطے وچ معاشی ترقی دا باعث بن سکدی اے۔ سپہ سالارنے آکھیا کہ نیشنل سکیورٹی وچ ہن صرف فوج دا کردار نہیں رہیا۔ جارح گوانڈی دے باوجود پاکستان ہتھیا راں دی دوڑ وچ شامل نہیں ہویا۔ پاکستان خطے وچ اک ذمہ دار ملک اے ‘آرمی چیف ہوراں نے مزیدآکھیا اے کہ افغانستان وی سی پیک توں فائدہ چک سکدا اے۔ نیشنل سکیورٹی صرف اندرونی تے بیرونی خطرات دا مقابلہ کرنا نہیں اے۔ اسیں اپنے ماضی توں سق سبق سکھ کے مستقبل دی طرف ودھن لئی تیارآں۔ جنرل قمرجاوید باجوہ نے مزیدآکھیا اے کہ پاکستان سکیورٹی خطرات دے بوجود اپنے دفاع اتے گٹھ خرچ کر رہیا اے۔ کیوں کہ سکیورٹی اتے اخراجات ودھان دے نال انسانی ترقی دی قربانی دینا پے گی۔ اوہناں نے مزیدآکھیا اے کہ ،افغانستان وچ قیام امن لئی پاکستان دا اہم کردار اے ۔گوانڈیاں دے نال سارے تنازعات پرامن تے باوقار مذاکرات دے نال حل کرنا چاہنے آں۔خطے وچ امن لئی پرامن طور تے مسئلہ کشمیر دا حل ضروری اے۔