دشمن امن دی خواہش نوں کمزوری نہ سمجھے ‘صدرمملکت

اسلام آباد(پنجابی میڈیا گروپ) صدر مملکت ڈاکٹر عارف علوی نے آکھیا اے کہ دشمن امن دی خواہش نوں کمزوری نہ سمجھے، جارحیت دا بھرپور جواب دتا جاوے گا۔اسیں اپنی سلامتی تے دفاع لئی پرعزم تے ہر قسم دی صلاحیت تو ںلیس آں تے اپنی آزادی دا ہرقیمت اتے دفاع کراں گے۔ جنوبی ایشیا دی قیادت تعصب، مذہبی انتہا پسندی دی سیاست نوں ترک کردیوے، ہر فورم اتے کشمیریاں لئی آواز بلندکردے رواں گے۔ جنوبی ایشیا وچ پائیدارامن داقیام مقبوضہ کشمیر دے منصفانہ حل اے۔ جمعرات نوں اسلام آبادوچ یوم پاکستان پریڈ دے نال خطاب کردیاں ہویاںصدر مملکت داآکھنا سی کہ عظیم الشان پریڈ دے انعقاد اتے قوم افواج پاکستان نوں مبارکباد پیش کردی اے۔ اسیں دفاعی صلاحیت وچ خود مختاری حاصل کر چکے آں۔ جنگ ہوئے یا اندرونی خلفشار‘ ات گردی ہوئے یا قدرتی آفت‘ عوام تے افواج نے وطن دی حفاظت وچ کردار ادا کیتا ۔ عارف ہو ریاں نے مزیدآکھیا اے کہ پاج فوج نے آپریشن ردالفساد روچ ات گردی دے نیٹ ورک نوں نیست و نابود کیتا۔ تقریب وچ خطاب کردیاں ہویاں اوہناں نے آکھیا ضرب عضب وچ پاک فوج دی ات گردی دے خلاف کامیابی دی دنیا معترف اے۔عارف علوی داآکھنا سی کہ دنیا نوں کرونا دی وبا ء دا ساہمنا اے اسیں کم وسائل دے باوجود ایس آفت دا ساہمنا کیتا اسیں بوہت جلد کرونا اتے قابو پا لواں گے۔ پر احتیاط لازم اے۔