اسیں تہاڈی اک اک حرکت نوں ویکھ رہے آں:مریم اورنگزیب

لہور (پنجابی میڈیا گروپ)پاکستان مسلم لیگ ن دے رہنما عطااللّٰہ تارڑ نے آکھیا اے کہ تساں جتنے اوچھے ہتھکنڈے اپنائو گے اتنی دفعہ نیب دی گل ہووے گی،ساڈا پرامن احتجاج تے اظہار یکجہتی ہر حال وچ ہووے گا جدکہ مریم اورنگزیب داآکھنا اے کہ کرائے دے ترجمان لوٹا بریگیڈ اج کل اخلاقیات، سیاسی اتحاد اتے گل کردی اے شہبازشریف نوں جیل وچ میڈیکل رپورٹ تیک رسائی نہ دیو‘ایہہ گھٹیا تے نکی حرکت اے۔ جمعرات نوں لہور وچ مسلم لیگ ن دی ترجمان مریم اورنگزیب دے ہمراہ نیب عدالت دے بار میڈیا دے نال گل بات کردیاں ہویاں لیگی رہنما عطاتارڑ آکھیا کہ نیب نوں اک مقدس گائے بنا کے پیش کیتا جارہیا اے۔ جیل جائے تے نوازشریف ‘جیل جا وے تے شہبازشریف۔ مریم اورنگزیب نے مزیدآکھیا اے کہ شہزاد اکبر اک ڈرپوک آدمی اے۔ اسیں تہاڈی اک اک حرکت نوں ویکھ رہے آں ویلا آوے گا تے تہان نسن نہیں دیاں گے۔ جتنے وی اے ٹی ایمز نیں اوہ شہزاد اکبر دی معاونت دے نال جیباں بھر رہے نیں۔ سبھ توں پہلاں اسیں شہزاد اکبر نوں جیل وچ پاواں گے۔