سرکار نیب نوں استعمال کررہی اے:رانا ثناء اللہ

لہور(پنجابی میڈیا گروپ)صدر مسلم لیگ ن پنجاب تے پچھلے صوبائی وزیر قانون رانا ثناء اللہ خان نے آکھیا اے کہ کل مریم نواز دی نیب پیشی اتے خوش وچ مبتلا ہو کے سرکار نے کوئی حرکت کیتی تے ذمہ دار ایہہ لوکائی خود ہون گے۔ مریم نواز دے خلاف سیاسی مقدمات بنائے گئے نیں۔جہڑے کرائے دے ترجمان آکھدے سن کہ پی ڈی ایم دی کوئی حیثیت نہیں۔ ہن حکومتی ارکان نوں پتہ چل گیا کہ پی ڈی ایم دی کیہ اہمیت اے۔ سرکار نیب نوں استعمال کر رہی اے۔دوجے پاسے رہنما جے یو آئی (ف) عبدالغفور حیدری ہوراں داآکھنا اے کہ سرکار نیب نوں اپوزیشن دے خلاف استعمال کر رہی اے اسیں سبھ دا احتساب چاہندے آں پر جدوں احتساب کرنا اے تے آٹا‘ چینی چور تے مالم جبہ نظر نہیں آئوندا‘ یکطرفہ احتساب نوں اسیں جوتی دی نوک اتے رکھنے آں۔