لہور،جعلی ویزے اُتے سفر کرن والا مسافر گرفتار

لہور (پنجابی میڈیا گروپ) علامہ اقبال ایئرپورٹ اتے ایف آئی اے امیگریشن نے کارروائی کرکے جعلی ویزے اتے سفر کرن والے مسافر نوں گرفتار کرلیا، ملزم نوں انسداد انسانی اسمگلنگ سیل منتقل کردتا گیا۔تفصیلات دے مطابق فیڈرل انوسٹیگیشن ایجنسی(ایف آئی اے) امیگریشن نے علامہ اقبال لہور ایئرپورٹ اتے کارروائی کیتی تے اسپین دے جعلی ویزے اتے سفر کرن دی کوشش نکام بنا دتی، مسافر نوں گرفتار کرلیا گیا۔مسافر غیرملکی پرواز کیوآر621دے ذریعے دوحہ براستہ اسپین جانا چاہندا سی۔ذرائع ایف آئی اے داآکھنا اے کہ گجرات دے رہائشی مسافر کلیم دا سفری دستاویز تے ویزا جعلی نکلیا اے۔ ایف آئی اے حکام نے مسافر نوں گرفتار کرکے انسداد انسانی اسمگلنگ سیل منتقل کردتا۔