چین نے برطانوی ارکان اسمبلی تے اداریاں اُتے پابندی لا دتی

بیجنگ( پنجابی میڈیا گروپ) چین نے سنکیانگ وچ انسانی حقوق دی خلاف ورزی اُتے آواز چُکن والے برطانوی پارلیمنٹ دے5ارکان سنے9افراد تے4اداریاں اُتے پابندی لا دتی۔
عالمی خبر رساں ادارے دے مطابق برطانیہ ولوں سنکیانگ وچ یغور مسلماناں دے نال غیر انسانی سلوک روا رکھن وچ ملوث چینی حکام اُتے پابندی عائد کرن دے جواب وچ چین نے برطانیہ دے ارکان اسمبلی تے اداریاں اپتے سفری و تجارتی پابندیاں لا دتیاں۔چین ولوں برطانیہ دے ارکان پارلیمنٹ ٹوم توگنڈاٹ، آئین ڈنکن اسمتھ، نیل اوبرائن ، ٹم لوٹن تے نصرت غنی، ہاوس آف لارڈز دے ڈیوڈ ایلٹن تے ہیلینا کینیڈی، ماہر تعلیم جواننے اسمتھ فنلی تے ماہر قنون بیرسٹر جیوفری نائس اُتے پابندی لا دتی ہے۔چین نے برطانیہ دے9افراد دے نال4اداریاں اُتے پابندیاں عائد کتیاں نیں جن وچ چائنا ریسرچ گروپ ، کنزرویٹو پارٹی ہیومن رائٹس کمیشن ، ایغور ٹربیونل ، تے لندن دی اک معروف فرم کمپنی ایسیکس کورٹ چیمبرز شامل نیں۔