سندھ حکومت گوگل دی مدد کررہی اے، صوبائی وزیر دا انوکھا دعویٰ

کراچی( پنجابی میڈیا گروپ) گوگل دی مدد وی سندھ حکومت کررہی اے ایہ عجیب دعویٰ سندھ دے جیالے وزیر تیمور تالپور ولوں سندھ اسمبلی دے اجلاس وچ کیتا گیا۔
صوبائی وزیر دے ایس عجیب دعوے اُتے سوشل میڈیا اُتے خوب چرچے ہورہے نیں۔ وزیر سائنس و انفارمیشن ٹیکنالوجی تیمور تالپور نے پچھلے دناں سندھ اسمبلی اجلاس وچ ایہ حیران کن دعویٰ کردیاں ہوئیاں آکھیا کہ گوگل میپ اُتے جو رستے دسے جارہے نیں اوہ سندھ حکومت نے بنایا اے۔تیمور تالپور نے آکھیا کہ گوگل وی سندھ حکومت دے بنائے گئے سسٹم تے استفادہ کررہیا اے۔وزیر سائنس و انفارمیشن ٹیکنالوجی تیمور تالپور دے دعوے اُتے سوشل میڈیا صارفین نے دلچسپ تبصرے کیتے نیںتے اوس صوبائی وزیر دی خام خیالی قرار دتا اے۔