شادی توں انکار تے کُڑی دی نازیبا تصویراں وائرل کرن والاملزم گرفتار

کراچی( پنجابی میڈیا گروپ)شادی توں انکار کیوں کیتا، ملزم نے 15سالہ کُڑی دی نازیبا تصویراں سوشل میڈیا تے وائر کر دتیاں۔ مقامی عدالت نے ملزم احسان خالق نوں 14دن لئی عدالتی ریمانڈ تے جیل گھل دتا۔ کراچی سٹی کورٹ جوڈیشل مجسٹریٹ شرقی دے ساہمنے 15سالہ کُڑی دی نازیبا تصویراں سوشل تے وائرل کرن دے مقدمے دی سماعت ہوئی۔ ایف آئی اے سائبر کرائم ولوں گرفتار ملزم احسان خالق نوں عدالت وچ پیش کیتا گیا۔ ایف آئی اے حکام نے دسیا کہ ملزم خالق نے 15سالہ کُڑی دی نازیبا تصویراں سوشل میڈیا تے وائرل کیتیاں۔ کُڑی دے شادی توں انکار کرن تے ملزم نے انتقاماً اجیہا کم کیتا۔ ملزم نوں متاثرہ کُڑی دے پیو دی عرضی تے گلستان جوہر توں گرفتار کیتا۔ عدالت نے ملزم احسان خالق نوں 14دن لئی عدالتی ریمانڈ تے جیل گھل دتا۔