پنجاب وچ پولیو دی صورتحال بہتراے: یاسمین راشد

لہور( پنجابی میڈیا گروپ) ڈاکٹر یاسمین راشد نے آکھیا اے پنجاب وچ پولیو دی صورتحال پہلاں توں بہتر اے، ماحولیاتی نمونے منفی آنا شروع ہو چکے نیں، لہور آؤن ولے سارے بالاں نوں قطر پیائے جان۔ وزیر صحت پنجاب صحت ڈاکٹر یاسمین راشد دی زیر صدارت صوبائی ٹاسک فورس برائے انسداد پولیو دا اجلاس ہویا، جہدے وچ سیکرٹری پرائمری اینڈ سکینڈری ہیلتھ کیئر سارہ اسلم، پنجاب پولیو پروگرام دی سربراہ اندس ارشاد تے انسداد پولیو پارٹنراں نے وی رلت کیتی۔ اجلاس وچ پولیو دی صورتحال دا جائزہ لیا گیا۔ ایس موقع تے یاسمین راشد دا کہنا سی بہتری دے باوجود سخت کم کرن دی لوڑ اے، کورونا وچ ڈپٹی کمشنراں دا کردار قابل تعریف اے، قومی انسداد پولیو مہم وچ ڈپٹی کمشنرز تندہی نال کم کرن۔