پنجاب یونیورسٹی: بی اے، بی ایس سی دے امتحان فیر تے پہ گئے

لہور( پنجابی میڈیا گروپ)پنجاب یونیورسٹی نال الحاق کالجاں دے بی اے، بی ایس سی دے امتحانات ملتوی کر دتے گئے۔ بی اے، بی ایس سی دے امتحانات نوں دو مہینے لئی موخر کیتا گیا۔ پنجاب یونیورسٹی دے بی اے، بی ایس سی دے امتحانات ملتوی کرن دا فیصلہ ڈینز میٹنگ وچ کیتا گیا۔ بی اے، بی ایس سی دے امتحانات یکم اپریل 2021توں شروع ہو رہے سن۔ پنجاب یونیورسٹی نے امتحانات موخر کرن توں پہلاں الحاق سرکاری تے نجی کالجاں دا سروے کیتا۔ کالجاں دی چوکھی تعداد نے کورس مکمل نہ ہون بارے یونیورسٹی سروے وچ آگاہ کیتا۔