پی ٹی سی ایل دا یکم اپریل توں کال چارجز ودھان دا اعلان

اسلام آباد (پنجابی میڈیا گروپ)پاکستان ٹیلی کمیونی کیشن کمپنی لمیٹڈ نے یکم اپریل توں کال چارجز ودھان دا اعلان کر دتا۔ پی ٹی سی ایل دے اعلامیے دے مطابق لینڈ لائن توں لینڈ لائن فی منٹ کال چارجز وچ 20پیسے وادھا ہووے گا تے فی منٹ کال چارجز 1.50روپے ہون گے۔ پی ٹی سی ایل دا کہنا اے لینڈ لائن توں موبائل فون فی منٹ کالج چارجز وچ 15پیسے وادھا ہووے گا جہدے بعد لینڈ لائن توں موبائل فون فی منٹ کال چارجز 2.65روپے ہون گے۔ اعلامیے دے مطابق کال چارجز دا اطلاق یکم اپریل توں ہووے گا۔