پریزائیڈنگ افسراں دے گواچن نال نتیجہ متاثر ہوئیا؟ سپریم کورٹ

اسلام آباد( پنجابی میڈیا گروپ)این اے75ڈسکہ الیکشن کیس وچ جسٹس عمر عطا بندیال ہوراں آکھیاکہ اگر پولیس نے الیکشن کمیشن دے خطاں دا جواب نہ دتا تے الیکشن کمیشن نے انتخاب روک کے کارروائی کیوں نہیں کیتی، صرف خطو لکھن نال سیکورٹی انتظامات نہیں ہندے۔

سپریم کورٹ وچ این اے75ڈسکہ وچ دوبارہ انتخابات دے حکم دے خلاف کیس دی سماعت ہوئی۔

مسلم لیگ ن دی امیدوار نوشین افتخار دے وکیل سلمان اکرم راجا نے دلائل دیندیاںہوئیاں آکھیا کہ الیکشن کمیشن دا دوبارہ الیکشن دا فیصلہ حقائق تے قنون دے مطابق اے۔