عوام دی لاپرواہی نے کورونا ودھا دتا: گورنر پنجاب

لہور( پنجابی میڈیا گروپ)گورنر پنجاب چودھری سرور ہوراں آکھیا کہ پنجاب وچ26ہزار توں ودھ کورونا مریض لمحہ فکریہ اے۔

عوام دی لاپرواہی نے حالات بے قابو کر دتے نیں۔گورنر پنجاب نے ایہ گل کمشنر لہور کیپٹن(ر)محمد عثمان نال ملاقات دے موقع اُتے آکھی۔

کمشنر لہور نے چودھری سرور نوں پنجاب خصوصا لہور وچ کورونا وائرس دی صورتحال بارے بریفنگ دتی۔چوہدری سرور نے عالمی وبا دے تدارک کیلئے کیپٹن(ر)محمد عثمان دیاں کوششاں نوں پسند کیتا۔ اوہناں آکھیا کہ کورونا ایس او پیز بارے کسی کوتاہی نوں برداشت نہیں کیتی جائے گی۔

ہسپتالاں نوں ہوردبا توںبچان لئی ایس او پیز اُتے100 فیصد عمل کرنا ہوئے گا۔